Златан Ибрахимовиќ на 41 година стави крај на фудбалската кариера. Тој беше еден од ретките фудбалери коишто играа на Светското првенство во 2002 година кое се одржа во Јапонија и Јужна Кореја, а сè уште беа активни.
Сега остануваат само уште тројца коишто играа пред 21 година, а сè уште можеме да ги гледаме на фудбалските терени.
Најголемото име е италијанскиот голман Џанлуиџи Буфон, кој со 43 години сè уште е фантастичен на голот на Парма и со своите настапи стана вистинска светска голманска икона.
Вториот е легендарниот парагвајски фудбалер и поранешен капитен на репрезентацијата, Роке Санта Крус. Тој со 41 година сè уште е активен и игра за Либертад во својата татковина.
Третиот фудбалер, воедно и најмлад од овие тројца, е поранешниот нигерски репрезентативец Бартоломеу Огбече, кој со 38 години е активен во првенството на Индија и настапува за екипата на Хидерабад.