Мадридската црква „Сан Антон” денеска имаше важни посетители. На специјална аудиенција, отец Анхел ги прими Флорентино Перес, претседателот на Реал Мадрид, и пехарот од Лигата на шампионите, кој три години по ред го освојува шпанскиот гигант.
Отецот го благослови трофејот и кажа: „Тука во црквата ги гледаме финалните мечеви на Реал и преживувавме славни ноќи. Ви благодарам господине Перес што сте тука. Ова е и ваша црква. Тоа што и пехарот е тука, е некакво чудо. Се молиме за сите луѓе, но и за Реал Мадрид”.
Флорентино рече дека 14 години учел во црквата која е нонстоп отворена и во неа може да спијат бездомници.
