Фернандо Диниз ќе биде привремен селектор на бразилската фудбалска репрезентација во период од најмногу една година, а следното лето се очекува на клупата да седне Карло Анчелоти, кој во моментов работи во Реал Мадрид.
Диниз е актуелен тренер на Флуминенсе, и според договорот со Бразилската федерација, тој во следниот период истовремено ќе ги води својот клуб и националниот тим.
Диниз ќе го води Бразил на септемвриските мечеви со Боливија и Перу од квалификациите за СП 2026, а во ноември има четири меча, од кои едниот со Аргентина. Можно е тој да ги води Кариоките и во март на двата пријателски меча, од кои едниот со Шпанија во Мадрид.
Следното лето има Копа Америка и таму големи се шансите Анчелоти да го води бразилскиот тим.
