Баерн Минхен нема среќа во потрагата по нов голман за следната сезона, извиси во два случаи, а третата опција не потпиша за германскиот шампион поради невиден малер.
Управата на Баерн ги договори сите детали со голманот на Ајакс, Херонимо Рули. Чуварот на мрежата веќе имаше закажано авионски лет за Минхен, каде што требаше да ги изврши лекарските прегледи и потоа да го потпише договорот, но доживеа голем малер.
Gerónimo Rulli va a ser baja por tres meses por una luxación en el hombro. Están viendo la posibilidad de operarlo esta semana.
Estaba ultimando detalles para sumarse al Bayern Múnich. Iba a viajar hoy. Ahora se va a quedar en Ajax recuperándose. pic.twitter.com/zb46XBOc3s— Gastón Edul (@gastonedul) August 14, 2023
Тој во мечот од првото коло на Ередивизијата против Хераклес го повреди рамото и по прегледите е утврдено дека ќе мора да паузира барем три месеци, по што му пропадна трансферот на кариерата.
Баварците прво го сакаа Кепа Аризабалага од Челзи, но Шпанецот одлучи да се врати во татковината и следната сезона да ја мине на позајмица во Реал Мадрид, по што се свртеа кон Јасин Боно од Севиља, но овојпат побрз беше Ал-Хилал.
Како можно решение се најавува Давид де Хеа, кој по 11 сезони поминати на „Олд трафорд“, летово го напушти Манчестер јунајтед и сè уште е без ангажман.
