Фудбалерите на Ливерпул славеа со 3:0 во дуелот против Астон вила кој се играше во рамки на четвртото коло од Премиер лигата.
Мечот го одбележа Мохамед Салах кој го постигна третиот гол за Црвените, и тоа беше 150-ти натпревар во дресот на Ливерпул на кој египетскиот репрезентативец постигнува гол.
Црвените вообичаено одлично ги започнуваат натпреварите пред своите гледачи и така беше и денеска, уште во третата минута го отворија резултатот. Голот го постигна Доминик Собослаи со одличен удар од 16-тина метри, а може да го видите на следниот ЛИНК.
На средина од првото полувреме, Ливерпул го зголеми водството по автоголот на Кеш кој лошо ја зафати одбиената топка по шутот на Нуњес и ја смести во сопствената мрежа. Вториот гол на Ливерпул може да го погледнете ТУКА.
Конечниот резултат го постави Мохамед Салах во 55-та минута, голот може да го видите на овој ЛИНК.
Со новата победа, Ливерпул се искачи на делба на второто место со 10 освоени бодови, додека Астон Вила остана седма со седум бода.
Сигурна победа на домашен ерен оствари и Кристал Палас против Вулверхамптон од 3:2. Сите голови беа постигнати во вториот дел, Едуард го отвори резултатот, но Вулверхамптон израмни преку Хванг во 65-та минута.
Бодовите за Кристал палас ги обезбедија Езе и Едуард со головите во 78-та и 84-та минута. Во судиското продолжение, Волците постигнаа уште еден гол преку Куња со кој го ублажија поразот.
