Српскиот кошаркар Немања Бјелица од денеска е нов играч на Црвена ѕвезда, објави тимот преку социјалните мрежи. Бјелица првпат црвено-белиот дрес го облече во 2008 година и остана две сезони во Белград, по што започна богата интернационална кариера.
Прво три сезони играше за Басконија, па потоа се пресели во Фенербахче, каде што ја играше најдобрата кошарка во кариерата, а во сезоната 2014-15 беше прогласен за МВП на Евролигата.
Bivši košarkaš Crvene zvezde, reprezentativac Srbije, MVP Evrolige i osvajač NBA lige, Nemanja Bjelica vratio se svojoj kući i potpisao u utorak ugovor sa crveno-belima!
Welcome back home, @NemanjaBjelica!#kkcz #WeAreTheTeam pic.twitter.com/DaRk4Fuxyq
— KK Crvena zvezda Meridianbet (@kkcrvenazvezda) September 12, 2023
Потоа Бјелица замина во НБА-лигата, каде што играше за Минесота тимбервулфс, Сакраменто кингс, Мајами хит и Голден стејт вориорс, со кого во 2022 година ја освои шампионската титула. Минатата сезона ја помина во Фенербахче, но имаше големи проблеми со повредите, по што летово следуваше раскин на договорот.
