Вчерашното дерби во англиската Премиер лига меѓу Тотенхем и Ливепрул предизвика многу реакции поради судиските одлуки. Тотенхем победи со 2:1 и тоа благодарение на автоголот на Матип во 96 минута. Претходно Ливерпул остана без двајца играчи поради црвените картони на Џонс и Жота.
Драмите на натпреварот започнаа уште во првиот дел, кога Луис Дијас постигна гол, но судијата го поништи поради офсајд. Подоцна се утврди дека голот на Дијас бил регуларен и дека грешка направиле судиите и тие арбитри во ВАР собата.
Токму тој поништен погодок на Дијас е клучен за еден обложувач во Англија да не добие 9.510 фунти. Овој обложувач прогнозирал дека на дербито голови ќе дадат Дијас, Гакпо и Сон. Токму Гакпо и Сон погодија, а голот на Дијас беше поништен. Беше погодено и дека жолти картони ќе добијат Удогие, Бисума и Мекалистер.
„Некој за ова ќе мора да одговара“, беше коментарот од лутиот обложувач кој остана без одлична добивка поради судиска грешка.
Surely someone needs to pay me out for this!? @SkyFootball @premierleague @SkySportsPL @bet365 pic.twitter.com/Yyan6oZWRT
— Ryan Hall (@RyanHall_10) September 30, 2023
