Дуелот на шампионите на Косово и Хрватска кој ќе се игра вечерва во Приштина од Конференциската лига е еден од поинтересните во ова коло, а Динамо Загреб против Балкани ќе биде драстично ослабен со неиграњето дури на осуммина фудбалери.
На листата на отсутни кај Динамо се и голгетерот Бруно Петковиќ и македонските интернационалци Аријан Адеми и Стефан Ристовски. Адеми доцна беше регистриран и нема право на настап во европските купови, додека Ристовски се рехабилитира по повредата и не е спремен да игра.
