На натпреварите од јужноамериканските квалификации за пласман на СП 2026 се случија неверојатни сцени, во кои жртви беа најголемите ѕвезди од овој континент, Лионел Меси и Нејмар.
Парагвајскиот репрезентативец Антонио Санабрија во финишот од мечот против Аргентина го плукна Меси, и тоа во моментите кога Аргентинецот беше свртен со грб. По мечот, Меси одлучи да одговори на дрскиот потег на Парагваецот.
https://twitter.com/i/status/1712633361284350138
„Санабрија? Во соблекувалната ми рекоа дека некој ме плукнал. Вистината е дека не знам кој е тој Санабрија. Не сакам да зборувам за тоа бидејќи работата ќе отиде предалеку ако кажам нешто, а тоа не ми е целта“, рече Меси.
И најголемата бразилска ѕвезда, Нејмар, се најде на удар, и тоа на сопствените навивачи. Бразил одигра 1:1 против Венецуела, а незадоволните фанови на Кариоките го гаѓаа Нејмар во моментите кога го напушташе теренот.
Neymar being hit with a bag of popcorn after Brazil drew 1-1 vs. Venezuela at home. Brazil host Argentina in November.pic.twitter.com/7uckDCIgih
— Roy Nemer (@RoyNemer) October 13, 2023
Тие сметаа дека Нејмар е главен виновник за ремито и поради тоа одлучија гневот да го искалат врз него и еден навивач го погоди фудбалерот со картонска кутија за пуканки. Одговорот на Нејмар беше серија пцовки упатени кон трибината од која беше погоден.
