Женската ракометна репрезентација на Македонија извојува голема победа на гостувањето кај Литванија од 31-28, и ова најверојатно значи дека нашите најдобри ракометарки ќе бидат учеснички на Европското првенство во ноември и декември 2024 година.
Во следните две кола од квалификациите, Македонија игра со фаворитот Шпанија, но и два порази не би биле трагедија, бидејќи и првиот и вториот одат на ЕП. Второто место ќе го осигураме на почетокот на април, кога треба да играме со Литванија дома и Азербејџан на гости.
Денеска во Вилнус, најефикасни во македонскиот тим беа Ристовска со 9, Седлоска со 8 и Саздовска со 6 голови, додека Мицевска имаше 8 одграни.
