Вечерва со почеток во 18 часот во спортската сала “Боро Чурлевски“ во Битола ќе се одигра третото вечно ракометно дерби помеѓу Еурофарм Пелистер и Вардар оваа сезона. На претходните два натпревари, по еден во првенството и Супер купот, Вардар успеа да го победи Еурофарм Пелистер со 30-25 и 30-26, но скопските “црвено-црни“ вечерва во Битола патуваат десеткувани и со се уште непознат состав, поради вирозата која ја зафати екипата, а од која беа заразени 15-тина членови.
Вардар бараше одложување, а битолчани не прифатија и сега како големи фаворити влегуваат во дуелот кој може да го одлучи пласманот во групата, но и кој ќе стартува од поповолна позиција во битката за титулата. Тоа го покажуваат и квотите во Sport Life, кој велат дека Еурофарм Пелистер е голем фаворит со квота од 1.20. Сепак, изненадување на Вардар на овој натпревар носи квота од 6.50, а секогаш во игра е нерешениот резултат, кој овојпат има квота од рамно 12.
