Фудбалерите на Вест хем се пласираа меѓу осумте најдобри во Лига купот откако вечерва го совладаа градскиот ривал Арсенал. Чеканите славеа со убедливи 3:1 во осминафиналето на Лига купот.
Резултатот го отвори дефанзивецот на Арсенал, Бен Вајт, кој по корнерот на Боувен, лошо реагираше и топката ја смести во сопствената мрежа.
На стартот од вториот дел, Мохамед Кудус по асистенцијата на Агуед, зголеми на 2:0, а Боувен во 60-тата минута погоди за убедливи 3:0 и заверка на пласманот во четвртфиналето на Лига купот.
Топчиите во последната минута од судиското продолжение преку Мартин Одегард постигнаа почесен гол.
