Присуството на десетици илјади навивачи на Бока јуниорс во Рио де Жанеиро за утрешното финале од Копа Либертадорес против домашниот Флуминенсе предизвика тензии и инциденти во најголемиот бразилски град, и тоа на славната плажа Копакабана и околината.
Фановите на популарниот Флу приредија заседа и ги нападнаа Аргентинците. За да ги раздвои, реагираше и полицијата, која беше вооружена „до заби“.
На навивачите на Бока им беше дозволено да истакнат големо знаме на плажата и тоа беше протолкувано како провокација, па затоа дошло и до нередите.
Од КОНМЕБОЛ (Фудбалска федерација на Јужна Америка) објавија соопштение во кое ги повикаа фановите на двата тима да го слават фудбалот и ги потсетија дека вредностите на спортот се среќа, мир и хармонија.
https://twitter.com/i/status/1720243077070164109
