Поранешниот ММА борец Хавиер Баез бил нападнат од човек кој во рацете имал мачета, но успеал да се одбрани и да го совлада напаѓачот.
Полицијата во Мајами објави дека пред трговски центар во овој град, Баез бил нападнат од 50-годишниот Омар Марер.
„Тој се расправаше со некоја жена на телефон. Тропна на прозорецот на мојата врата, по што му реков да ме остави, а тој се врати со нож. Повторно му реков дека не сакам никакви проблеми, ја повикав полицијата и се надевав дека нема да ми го скрши стаклото“, изјави Баез за медиумите во Мајами.
Retired MMA fighter, Javier Baez, subdues a man attacking him with a huge knife pic.twitter.com/djVNrOyhlG
— Daily Loud (@DailyLoud) November 8, 2023
Откако напаѓачот не го послушал поранешниот ММА борец, бил соборен на земја и му било одземено оружјето.
„Кога толку многу тренирате, тоа ви станува рутина и рефлекс. Не требаше ништо друго да правам, тоа што го сторив беше инстинкт. Целиот живот тренирам боречки спортови, имам црн појас во џиу-џицу, додека студирав тренирав и борење, а имам и осум професионални борби и одлични тренинг-партнери“, додаде Баез.
