После зачуваната мрежа против Реал Мадрид, Рајо Валјекано и Столе Димитриевски беа немоќни во дуелот со Жирона која сега има пет бода предност во однос на Реал, и еден меч повеќе од Кралскиот клуб.
Жирона победи на „Валјекас“ со 2-1, по петти пат сезонава добија меч на кој губеа со 0-1, и потврдија дека не случајно имаа дури 11 победи и се први на табелата после 13 кола во Ла Лига.
Димитриевски имаше две одлични одбрани со кои го спасуваше својот гол, но не е семоќен, и двапати ја вадеше топката од својата мрежа. При 1-1, Рајо ја погоди стативата, но Жирона е најефикасен тим во лигата и немаше проблем по вторпат да го матира Димитриевски.
Ова е најатрактивната одбрана на Димитриевски денеска:
✈️ @Dimitrievski1 #RayoGirona #LaLigaHighlights pic.twitter.com/XX3auDTqB1
— Rayo Vallecano (@RayoVallecano) November 11, 2023
