Фудбалската репрезентација на Бразил поминува низ најголемата криза во последните неколку децении која започна по испаѓањето од Хрватска на Светското првенство во Катар кое се одржа минатата година, а медиумите и навивачите стравуваат дека тоа е поради проклетството на мачката.
Кариоките по СП во Катар одиграа осум натпревари и победија на само три (Гвинеја, Боливија и Перу), но исто така загубија на три меча, еднаш ремизираа и доживеаја дури четири порази, од кои три се во квалификациите за СП 2026.
Посебно болен е последниот пораз, од најголемиот ривал Аргентина, и тоа на култната „Маракана“, што претставува прв пораз во квалификациите за пласман на СП на домашен терен.
Поради слабите игри, Бразилците сè повеќе се потсетуваат на 7 декември 2022 година и проклетството на црната мачка. Имено, во пресрет на дуелот со Хрватска во четвртфиналето на СП, додека Винисиус жуниор на прес-конференција зборуваше за мечот со Коцкестите, на масата пред него дојде мачка. Портпаролот на бразилската репрезентација, Винисиус Родригес, ја зеде мачката и ја фрли на подот.
Тој потег предизвика големи реакции на социјалните мрежи, а Катарците му се налутија на портпаролот бидејќи мачката во исламот се смета за свето животно и лошото однесување кон неа треба да биде санкционирано.
По бурните реакции, Бразилците ја присвоија мачката и ја нарекоа Хекса, по шестата титула која ја бркаа во Катар, но оттогаш бележат само лоши резултати.
Поради тој момент од прес-конференцијата, сè повеќе Бразилци сметаат дека репрезентацијата ја стигнало проклетството на црната мачка.
