Реал Мадрид беше шокиран на гостувањето кај Фенербахче и сезонава веќе нема непоразени во Евролигата. Рекордот на Реал остана 10 победи по ред на старт на една сезона. Фенер славеше со 100-99 по продолжение, со кош на Мадар на 0,6 секунди до крајот, откако Кампацо направи грешка во обид да ја фрли топката кон Дек и Хезоња.
На неполни четири минути до крајот на регуларниот дел, Реал имаше девет поени предност, но Вилбекин со тројка на 10 секунди до крајот изедначи на 87-87 и со тој резултат завршија 40-те минути. Во последниот напад Дек се сплетка, не даде кош за победа на Реал и мораше да се игра продолжение.
И во екстра периодот Реал водеше речиси цело време, имаа и 99-96 на 6,8 секунди до крајот. Гудуриќ со две слободни намали на 98-99, а во последниот напад Реал направи грешка која ја казни Мадар за огромна радост во салата.
https://twitter.com/i/status/1730319722548261309
