Утринава во Парадајс, град во близина на Лас Вегас се одржа последната приредба на УФЦ во 2023 година во која главна борба беше таа за титулата во велтер категоријата (до 77 килограми) меѓу шампионот Лион Едвардс и Колби Ковингтон.
https://twitter.com/i/status/1736270204408074379
По пет рунди и 25 минути борба во октагонот, судиите донесоа едногласна одлука, шампионот Едвардс ја задржа титулата откако славеше со 49-46 на бодови.
Ова е трет пораз за Колби Ковингтон во мечевите за титулата, пред Едвардс, тој двапати губеше и од Камару Усман.
Colby Covington stops by Donald Trump’s seat before stepping in the cage for #UFC296 @BussinWTB pic.twitter.com/mXtg9AXJC3
— Barstool Sports (@barstoolsports) December 17, 2023
На Ковингтон не му помогна ниту податокот дека од првиот ред во трибините беше бодрен од страна на поранешниот претседател на САД, Доналд Трамп кој не крие дека Колби му е омилен ММА борец. Ковингтон пред влегувањето во октагонот се поздрави со Трамп, а по мечот уште еднаш му даде поддршка на милионерот кој повторно ќе се кандидира за претседател на САД.
The full incident between Sean Strickland and Dricus Du Plessis at #UFC296 tonight.
Bring on #UFC297 in January! pic.twitter.com/HQt0Uj1jiv
— UFC (@ufc) December 17, 2023
Возбуливо беше и на трибините каде се степаа Шон Стрикланд и Дрикус ду Плесис, кои во јануари ќе се борат за титулата во средна категорија.
HOLY CRAP SEAN STRICKLAND AND DRICUS DU PLESSIS GOT INTO IT!!! Had to be separated #UFC296 pic.twitter.com/igZclEMwp5
— Helen Yee (@HelenYeeSports) December 17, 2023
На социјалните мрежи се појави видео на кое шампионот Стрикланд и Ду Плесис не се штедат и разменија неколку боксови, а според видеата може да се види дека предизвикувачот го извлече подебелиот крај пред да бидат раздвоени од обезбедувањето и полицијата.
Во останатите борби, Алехандре Пантоја со едногласна одлука на судиите (50-45,50-45,49-46) го победи Брендон Ројвал во меч за титулата во мува категоријата. Шавкат Рахмонов во втората рунда со „гушење“ го победи Стивен Томпсон, Педи Пимблет на поени го победи Тони Фергусон, а Џош Емет брутално го нокаутира Брајс Мичел во првата рунда.
