Реал Мадрид и Барселона се клубовите кои со децении се главни во шпанското првенство. Нивната доминација е посебно изразена во последните години, кога речиси е и незамисливо да се најде трет клуб што би можел да стигне до титулата. Атлетико Мадрид е единствен кој некако дава отпор, но тоа не е доволно.
Без разлика против кого играат Реал и Барселона, секогаш се очекува да победат. Сепак, синоќа се случи спротивното. Двата гиганти загубија. Вистинска реткост е двата најтрофејни клуба да загубат во ист ден во домашното првенство. Тоа во Примера се немаше случило уште од четврти јануари 2015 година.
Таа 2015 година не започна како што посакуваат фаворитите. Барселона загуби на гостувањето кај Реал Сосиедад, додека Валенсија на „Месталја“ го победи Реал Мадрид. На синоќешните порази на Реал и Барселона сигурно најмногу се израдува Атлетико Мадрид, кој победи со 3-0 и се доближи само на два бода зад водечките две екипи на табелата.
