Кој всушност ќе игра во фудбалската Суперлига? Ова е главното прашање кое лебди по вчерашната одлука на судот со која се дозволува формирање на натпреварувања што нема да бидат под капата на УЕФА и ФИФА.
Голем број клубови јавно одбија да учествуваат, некои сè уште се немаат огласено, а познато е дека зад оваа идеја останаа само Барселона и Реал Мадрид.
Четири од шестте големи англиски клубови ја одбија идејата, но тоа го немаат сторено Ливерпул и Арсенал. Манчестер јунајтед, Манчестер сити, Тотенхем и Челзи објавија дека нема да учествуваат.
И екипата на Селтик ја одби идејата, но тоа го нема сторено вториот голем клуб од Шкотска, Глазгов ренџерс.
Во Шпанија е јасно дека само Барселона и Реал Мадрид ја поддржуваат оваа идеја, додека екипите на Севиља, Валенсија, Атлетико Мадрид, Сосиедад и Виљареал веднаш отфрлија можно учество во Суперлигата.
Во нивното соседство, во Португалија, идејата за Суперлига ја отфрли екипата на Порто, но тоа го немаат сторено Бенфика и Спортинг Лисабон.
Двата најголеми клуба во Германија, Баерн Минхен и Борусија Дортмунд, јавно објавија дека остануваат под капата на УЕФА, но останува прашањето дали ќе го следат нивниот пример и Баер Леверкузен и Лајпциг.
Од француските екипи се огласија ПСЖ и Монако со одбивање на идејата за Суперлигата, па останува отворено прашањето дали можеби некој друга екипа од Франција би играла во новото натпреварување.
Веројатно најзамрсено е во Италија. Рома, Интер и Аталанта ја отфрлија Суперлигата, но Јувентус, Милан, Наполи, Лацио… се немаат изјаснето. Вчера дури се појави информација дека Наполи е третата сигурна екипа која ќе учествува бидејќи идејата за вакво натпреварување е прифатлива за Аурелио де Лаурентис.
Од земјите на Бенелукс само Феенорд се огласи со одбивање, но тоа не го сторија ПСВ Ајдховен и Ајакс, но и екипите од Белгија, како Андерлехт, Бриж, Гент, Генк …
Рамо до рамо со великаните на европскиот фудбал застанаа и нашите Работнички и Струга, кои веднаш ја отфрлија идејата за формирање на Суперлигата.
Останува отворено прашањето и дали е можно во новата Суперлига да бидат вклучени и екипи од други континенти, како на пример: богатите екипи од Саудиска Арабија или можеби Интер Мајами од САД, но и великани од Јужна Америка.
https://twitter.com/DeadlineDayLive/status/1737897479687791043?ref_src=twsrc%5Etfw%7Ctwcamp%5Etweetembed%7Ctwterm%5E1737897479687791043%7Ctwgr%5E9074ec3d6ca5c8bf9013c0db7f3bb2ca8c515038%7Ctwcon%5Es1_&ref_url=https%3A%2F%2Fwww.klix.ba%2Fsport%2Fnogomet%2Fko-ce-uopce-igrati-nogometnu-superligu-ovo-je-lista-svih-velikana-koji-su-je-odbili%2F231222035
