Еден од најдобрите светски фудбалери, Мохамед Салах, како секоја година така и оваа, на социјалните мрежи испрати божиќна честитка до сите католици со фотографија од новогодишна елка.
И како и секоја година претходно, повторно добива лавина негативни коментари од поекстремни припадници на исламската вероисповед кои велат дека треба да се засрами и дека не е вистински муслиман како што се претставува.
За разлика од минатите години, годинава го нема лично Салах на слика, туку објави елка во црно-бела техника, а заедно со честитката за христијанскиот празник, испрати и порака поврзана со војната во областа Газа и бара да не се заборави на болката која ја трпат семејствата на загинатите.
