Истражувањето кое го спроведе Здружението на професионални фудбалери во Англија меѓу 1.000 свои членови покажа дека е во пораст бројот на зависници од лекови кои се издаваат на рецепт.
Дел од актуелните и поранешните фудбалери сè почесто јавно зборуваат за нивната зависност од таблети, па така поранешниот англиски репрезентативец Деле Али призна дека постојано користи таблети за спиење, додека Крис Киркланд станал зависен од лекови против болки.
„Откривме дека зависноста од лекови против болки и таблети за спиење е резултат на поинаков проблем, депресија, анксиозност и алкохолизам“, изјави доктор Бенер, кој учествуваше во истражувањето.
