На натпреварот помеѓу Реит и Арброут од шкотскиот Чемпионшип, беше постигнат феноменален гол кој долго ќе се памети поради несекојдневниот сплет на околности.
Стрелец на голчиштето беше резервниот голман на гостите, 32-годишниот Али Адамс. Тој влезе во игра и тоа не на местото на првиот голман, туку наместо соиграч од теренот. Клупата на Арброут беше тенка со само четири резерви, а беа направени три замени, па кога се повреди играч, на негово место мораше да влезе голманот Адамс и тоа при 2-0 за Реит.
Адамс даде бомбастичен гол со шут од далечина за 1-2, а пет минути подоцна неговиот тим од пенал и израмни на 2-2, што беше и конечен резултат.
Погледнете каков гол даде голманот:
https://twitter.com/i/status/1741141716919333230
