Светската, а особено австралиската спортска јавност е шокирана по информацијата дека велосипедистот Рохан Денис е обвинет за убиство на 32-годишната сопруга Мелиса Хоскинс.
Денис е уапсен, а според информациите на полицијата, тој после една кавга со жена му, во лутина ја прегазил со својот џип, и тешко ја повредил, по што таа во болница им подлегнала на повредите.
Максималната казна за вакво убиство е доживотен затвор.
Пред неколку дена, сопругата објави фотографија на Инстаграм на која тие се насмеани, во позитивно божиќно расположение, а тука се и нивните две деца. Во брај беа од 2018 година.
Рохан на почетокот на годинава ја заврши кариерата како член на силниот тим Џамбо Висма. Во 2018 и 2019 година беше светски првак на друмски патеки, а во 2021 освои бронза на хронометарската трка на Олимписките игри во Токио.
Во едно интервју од пред осум години, тој изјави дека знае дека е нервозен тип со „краток фитил“ и дека велосипедизмот му помага да се смири.
