Талентираниот хрватски тинејџер Дино Клапија ќе биде нов играч на германскиот бундеслигаш Лајпциг. Клапија кој досега беше член на третолигашот Кустошија, се согласил за трансфер во Лајпциг и тоа вреден 5,2 милиони евра, пишува експертот за фудбалски трансфери Фабрицио Романо.
🚨⚪️🔴 EXCLUSIVE: RB Leipzig agree deal to sign Croatian top talent Dino Klapija from Kustosija Zagreb, here we go!
Understand Leipzig will pay €5.2m fee to Croatian side Kustosija for 2007 born striker.
There will be also 10% sell-on clause.
Medical already completed. pic.twitter.com/ARsH0asRfR
— Fabrizio Romano (@FabrizioRomano) January 8, 2024
Лекарските прегледи веќе се завршени и тинејџерот треба да се приклучи на клубот во кој од неодамна пристигна и македонскиот репрезентативец Елиф Елмас.
Клапија во Кустошија дојде во март минатата година и тоа од тимот на Њујорк сити, кој е составен дел од групацијата Манчестер сити фудбал груп. Многу клубови се интересираа за него, но проценката била дека третолигашот Кустошија во Хрватска е вистинско место за негов развој.
Талентираниот тинејџер е роден во САД, а минатата година дебитираше за селекцијата на Хрватска за играчи до 17 години под водство на Роберт Јарни. За него се интересираа Арсенал, Борусија Дортмунд и Динамо, но тој реши кариерата да ја продолжи во Лајпциг, а третолигашот Кустошија ќе добие 5,3 милиони евра за овој трансфер, плус 10 отсто од парите за следниот трансфер на Клапија.
За Кустошија ова не е прв ваков неверојатен трансфер. Овој хрватски нисколигаш се прослави кога пред една и пол година, за сума од пет милиони евра го продаде 18-годишниот Сенегалец Микај Фаје во Барселона.
