Ракометната репрезентација на Исланд за првпат во својата историја на Европското првенство во Германија ќе има црномурест играч во своите редови. Се работи за Стивен Тобар Валенсија, кој е роден во Колумбија, но кога имал само три години, неговото семејство емигрирало на Исланд.
Овој 23-годишен ракометар кога имал осум години почнал да игра ракомет за екипата на Валур, а своето сениорско деби го имал во 2017-тата година. Само пет години подоцна ѝ помогна на својата екипа да дојде до трофејот во исландското првенство. Минатото лето го направи првиот интернационален трансфер и потпиша за екипата на Бенфика во првенството на Португалија.
Валенсија за репрезентација има одиграно шест натпревари.
