Грчкиот кошаркарски гигант Панатинаикос планира да го искористи застојот во преговорите на Реал Мадрид со двајца свои клучни кошаркари, и да ги донесе во Атина.
Како што стојат работите, Еди Таварес и Марио Хезоња од следната сезона наместо Кралскиот, ќе го носат зелениот дрес на Панатинаикос.
Преговорите меѓу Реал Мадрид и Таварес се водад уште од минатото лето, но нема напредок бидејќи европскиот шампион не сака да му ја исполни желбата на кошаркарот и да му даде поголема плата од таа што сега ја добива, три милиони евра бруто.
Според весникот „Марка“, Панатинаикос на Таварес му нуди годишна плата од три милиони евра нето и за очекување е центарот да ја прифати понудата на грчкиот тим.
На крајот од сезоната, договорот му истекува и на Марио Хезоња кој не би имал ништо против да се врати во Панатинаикос, но порача дека во предност ќе биде Реал Мадрид, кој ако му понуди примамлива сума – тој ќе остане во Шпанија.
