Норвешкиот скијач Александер Омот Килде имаше стравичен пад за време на спустот кој се возеше на патеката во Венген. Килде на еден од свиоците загуби контрола врз скиите и со брзина од 145 километри на час се заби во заштитната ограда.
Тој неколку секунди лежеше неподвижен на патеката, и веднаш до него дојдоа лекарските екипи кои по укажаната помош, го пренесоа со хеликоптер во најблиската болница.
Засега нема информации за тежината на повредата на Килде и дали ќе мора долго да отсуствува од скијањето.
Победник на спуст трката во Венгер е Марко Одермат со време од 2:25.64 минути и беше за 59 стотинки побрз од второпласираниот Сиприен Саразан. Последното место на победничкиот подиум му припадна на Доминик Парис кој заостана 1.92 секунда зад победникот.
