Францускиот фудбалер Карим Бензема веројатно веќе нема намера да игра за саудиски Ал Итихад, но не е лесно да си најде нов клуб во следните десет дена до крајот на преодниот рок.
Пред Бензема се две опции: или да прејде во некој друг клуб од Саудиска Арабија, на што инсистираат челниците на тамошната лига и кралското семејство кое дава пари за привлекување ѕвезди на светскиот фудбал, или да се пресели во некој европски клуб. Но, ако се врати на Европа, Бензема би земал плата која ќе биде драстично помала од таа во Саудиска Арабија.
