МЗТ Скопје Аеродром стигна до 14 победа во 17. коло од домашното првенство, откако без многу мака, рутински го победи Охрид со 81:68. Домаќините постојано имаа предност, но прв пат стигнаа до двоцифрено водство на крајот од третата четвртина кога поведоа со 59:49 и во последните 10 минути без проблем стигнаа до очекуваната победа.
Многу понеизвесно беше на градската пресметка меѓу ФМП Академија и Вардар, а на крајот домаќините победија со 80:74. Варда во втората четвртина ФМП водеше со 23:22, а потоа следуваше многу подобра игра на гостите, па Вардар дојде и до девет поени предност (40:31). Во третата четвртина Црвено-црните водеа и со 15 разлика (52:37), но ФМП не се предаде, па во средината на последната четвртина резултатот беше израмнет на 65:65.
Вардар последен пат водеше со 70:68, а потоа ФМП со серија од 8:0 стигна до водство од 76:70 и на крајот се радуваа на четвртата победа сезонава, додека Вардар остана на три триумфи.
Во останатите мечеви кои се одиграа денеска, Пелистер дома беше подобар од Феникс со 71:67, Гостивар дома загуби од ТФТ Скопје со 77:91, а Чаир беше поуспешен од Кожув во Гевгелија со убедливи 86:70.
