Барселона ќе има тежок предизвик во првиот меч од осминафиналето во Лигата на шампионите. Каталонскиот гигант вечерва ќе гостува во Лион против Олимпик. Првакот на Шпанија е фаворит, но Лион досега многупати покажал дека може да изненади кој било противник.
„Mечот во Лион е голем предизвик за нас, но ние сме гладни за победи и подготвени сме. Многу е важно да дадеме гол на гостински терен, но најважно е ние да ја играме нашата напаѓачка игра. Ќе видиме што ќе се случи вечерва. Нашите навивачи очекуваат од нас да ја освоиме Лигата на шампионите“, вели Валверде пред мечот со Лион.
Барселона се надева дека сезонава ќе успее да ја прекине тригодишната доминација на Реал Мадрид, но за тоа да се случи ќе треба да се поминат многу пречки, а првата е токму тимот на Лион.
