Финалето на Суперкупот во Турција треба да се игра меѓу екипите на Фенербахче и Галатасарај, но сè поверојатно е дека тој дуел нема да го дочека крајот. Од Фенербахче владее големо незадоволство. Челниците на овој клуб најпрво имаа забелешка за судиите што треба да ја делат правдата во финалето, а потоа имаа забелешка и за терминот на одигрување на средбата.
Токму затоа, од Фенербахче смислиле план да го бојкотираат финалето, и тоа на начин да не може да добијат дополнителна казна од Федерацијата. Планот на Фенер е да играат со фудбалери од младинскиот погон, и тоа на теренот да се појават само деветмина играчи, колку што е минимум дозволено за да започне еден натпревар.
Во текот на мечот набрзо треба да се „повредат“ тројца фудбалери и тимот на Фенербахче да остане само со шестмина играчи, што автоматски ќе значи и прекин на мечот.
По дознавањето на ваквото сценарио кое се подготвува, се огласија и од тимот на Галатасарај. Од овој турски гигант најавија дека воопшто нема да се замараат со калкулациите на противникот и дека тие се подготвуваат со цела сила како што треба да биде за едно финале.
Fenerbahçe’nin aldığı kararlardan ya da oluşan gündemden takımının etkilenmesini istemeyen Galatasaray yönetimi, normal bir Süper Kupa Finali gibi oyunculara prim açıklayacak. (Skorer) pic.twitter.com/uvmd5P7CK9
— Nexus Sports (@nexustransfer) April 5, 2024
