Фудбалерките на Лион ќе играат во финалето на Лигата на шампионите против Барселона, откако денеска во реванш полуфиналниот дуел против ПСЖ славеа со 2:1.
Лион славеше и на првиот полуфинален дуел против ПСЖ со 1:0 и со вкупни 3:1 се пласира во финалето.
Натпреварот го судеше нашата судијка со знак на УЕФА и ФИФА, Ива Пројковка, одлично си ја заврши работата. Пројковска додели три жолти картони, два за фудбалерките на Лион и еден за ПСЖ.
Барселона која е актуелен европски шампион, во финалето се пласира откако во полуфиналето беше подобра од Челси. Првиот натпревар заврши со триумф на Челси од 0:1, но во реваншот Барселона победи со 2:0.
Финалето ќе се игра на 25 мај во Билбао.
Интересно е што последните две меѓусебни пресметки, Лион славеше и тоа во финалињата во ЛШ. Во 2022 година беше 3:1 за францускиот тим, а во 2019 година беше 4:1.
