Мајката на Килијан Мбапе, Фајза Ламари, која воедно е и негов менаџер, се чини го даде одговорот каде нејзиниот син ќе ја продолжи кариерата. На забавата која е опишана како збогување на Мбапе од Париз, на неговата мајка ѝ било поставено тоа прашање, а таа одговорила многу едноставно: „Мислам дека веќе сите знаете“.
Договорот на Килијан Мбапе со ПСЖ истекува на 30 јуни и останува само непознато кога Реал Мадрид и официјално ќе објави дека 25-годишниот фудбалер потпишал договор на пет сезони. Веројатно тоа ќе се случи по финалето на Лигата на шампионите.
ПСЖ во 2018 година го купи Килијан Мбапе од Монако за 180 милиони евра, а тој на 307 натпревари за Светците постигна 256 гола и запиша 108 асистенции. И покрај тоа што играше во иста екипа со Лионел Меси и Нејмар, сепак не успеа да ја освои Лигата на шампионите.
