Италијанецот Енцо Мареска и официјално е потврден како нов менаџер на лондонскиot Челзи.
Мареска функцијата ќе ја преземе од 1 јули, а договорот со Сините му е со важност до 2029 година, со можност за продолжување за уште една сезона.
„Да се биде менаџер на Челзи, еден од најголемите клубови во светот, е сон за секој тренер. Затоа сум толку возбуден од оваа можност. Со нетрпение очекувам да работам со многу талентирана група играчи и персонал за да развијам тим кој ќе ја продолжи традицијата на успеси на клубот и ќе ги прави горди нашите навивачи“, изјави Мареска.
Овој 44-годишен некогашен фудбалер на Јувентус, Фиорентина, Севилја, ВБА, Олимпијакос и уште неколку клубови, како тренер работел во Манчестер сити (помошник), Парма, а сезонава беше на клупата на Лестер, со кого го освои првото место во англискиот Чемпионшип и се пласира во Премиер лигата.
