Шпанскиот тренер Роберто Мартинес, кој е селектор на фудбалската репрезентација на Португалија, објасни зошто ја пее химната на Португалија пред натпреварите.
„Химната е важна и има посебно значење за секоја репрезентација. Секој треба да го разбере ова. Во Португалија многу сегменти од текстот се испишани на ѕидовите на зградите. Химната ја претставува целата земја. Ако бев португалски навивач и тимот назначи странски селектор, ќе сакав тој да зборува португалски. Со тимот зборувам на англиски и шпански. Сè уште го учам јазикот, тоа е процес. Секој ден учам со професорот Мигел по еден и пол час“, објасни поранешниот селектор на Белгија, а сегашен на Португалија.
