Вистинска бура во јавноста крена изјавата на капитенот на Србија, Душан Тадиќ, дека тој е најдобриот играч во репрезентацијата и требало да биде стартер на мечот против Англија, кој Србите го загубија со 1-0. Претходно, селекторот на нашиот северен сосед рече дека се работело само за тактика.
„Уф, тоа не е добро ако рекол така. Тоа никако не е добро. Не е добро. Тоа беше моја одлука од тактички причини. Сакав да го имам Тадиќ свеж за вторите 45 минути и единствено тоа е причината и ништо друго. Се работи за тактика, ништо друго“, вели Драган Стојковиќ-Пикси.
https://twitter.com/arenasport_tv/status/1802460275746164921?ref_src=twsrc%5Etfw%7Ctwcamp%5Etweetembed%7Ctwterm%5E1802460275746164921%7Ctwgr%5E40478fd6c7be016f74cde38db4fb356ef1eee145%7Ctwcon%5Es1_&ref_url=https%3A%2F%2Fwww.index.hr%2Fsport%2Fclanak%2Fpiksi-o-tadicu-uh-nije-dobro-ako-je-to-rekao-uh-to-nikako-nije-dobro%2F2574336.aspx
Селекторот на Србија од новинарите беше запрашан дали ваквата реакција на Душан Тадиќ може да предизвика бура и во репрезентацијата, како што предизвика во јавноста.
„Каква бура? Нема да има бура околу капитенот. Моја е одлуката, мое гледање на ситуацијата. Нема полемика околу тоа. Јас ги носам одлуките, јас сум тој кој е селектор. Нема простор за полемика. Да, тој може да биде стартер, но јас сум тој кој ги носи одлуките“, одговори Драган Стојковиќ-Пикси.
