Струга Трим Лум вчера загуби со 4:2 на гости кај Слован Братислава во првиот меч од квалификациите за пласман во Лигата на шампионите. Денеска уште два македонски тима ќе имаат свои настапи на евросцената, и тоа во квалификациите од Конференциската лига на УЕФА.
Педантните статистичари на платформата Football Meets Data направиле дури 10.000 пати симулација за тоа кои клубови од квалификациите имаат шанси да влезат во групната фаза од Лигата на шампионите, Лигата на Европа и Конференциската лига.
Македонија со Струга ТЛ е дел од квалификациите во ЛШ, а пресметките велат дека шампионот има само 0,1 отсто шанси да игра во групната фаза од ЛШ. Сепак, поголеми се шансите Струга да игра во групната фаза од пониско натпеварување. За настап во групна фаза од Лигата на Европа шансите се проценуваат на два отсто, додека солидни 16 отсто се шансите Струга ТЛ оваа сезона сепак да игра во групна фаза, и тоа во Конференциската лига.
🚨The road to UEFA Champions League starts today!
🆕 We have simulated the qualifiers 10,000 times and here are the probabilities to reach the 36-team league phase of UCL, UEL, UECL, or the three competitions combined, for every team that starts in #UCL qualifiers. pic.twitter.com/vZ1LoTN3qY
— Football Meets Data (@fmeetsdata) July 9, 2024
Што се однесува до Шкендија и Тиквеш, тие може да се надеваат само за настап во Конференциската лига. Шкендија е само со еден отсто шанси дека ќе игра во групната фаза од Конференциската лига, додека шансите на Тиквеш, кој е дебитант во еврокуповите, е со шанси од 0,1 отсто дека ќе игра во групната фаза на ова натпреварување на УЕФА.
🚨 The road to UEFA Conference League starts tomorrow!
🆕 Here are the probabilities to reach the 36-team league phase of UECL for each of the 110 teams that will start their journey in #UECL qualifiers.
Unlike teams in UCL and UEL, these clubs have no safety net if they lose. pic.twitter.com/eGxDWHwKAL
— Football Meets Data (@fmeetsdata) July 9, 2024
