Во квалификациите од Конференциската лига, АЕК со минимални 4-3 го победи Интер Ескалдес од Андора и ова е големо изненадување, се очекуваше многу поубедлив триумф на Жолто-црните од Атина.
Работите за АЕК одеа според планот до 64-та минута. Резултатот беше 4-0, го мелеа противникот, но тогаш Хрватот Домагој Вида си даде автогол и после оваа несреќна ситуација за АЕК, на терен се сменија нештата. Вида се смешкаше, никој во АЕК не мислеше дека ова е некаква трагедија со оглед на доминацијата и никој претпоставуваше дека може Интер да си замине со минимален пораз.
Грчкиот тим не реализираше пенал при 4-1, и беше жестоко казнет и шокиран, гостите од Андора постигнаа уште два гола и се изборија за нив одлични 3-4.
