Шпанскиот прволигаш Атлетико Мадрид потврди дека нов член на тимот на Диего Симеоне е Робин Ле Норман. Стоперот на Реал Сосиедад и на шпанската репрезентација пристигнува во Мадрид во трансфер вреден околу 34 милиони евра, плус одредени бонуси.
Atlético de Madrid and Real Sociedad have reached an agreement for the transfer of Robin Le Normand, which will be formalised in the next few days, when the player returns from the holidays he is enjoying after winning the EURO 2024 with Spain on 14 July.
— Atlético de Madrid (@atletienglish) July 27, 2024
Ле Норман пристигна во Реал Сосиедад како 18-годишен фудбалер од францускиот Брест, играше три сезони во Б – тимот, а потоа стана стандарден првотимец од летото 2019 година.
Со доаѓањето на Луис де ла Фуенте на клупата на репрезентацијата на Шпанија, тој стана важен дел од тимот кој ова лето стана европски шампион.
Ле Норман официјално е првото засилување за Диего Симеоне ова лето, а се очекуваат уште неколку нови играчи до крајот на преодниот рок.