Македонскиот фудбалски прволигаш Брера Струмица доведе уште две нови засилувања пред почетокот на новата сезона во Првата лига. Струмичкиот клуб ги промовираше левиот бек Филип Антовски и играчот од средниот ред, Димитар Тодоровски.
Филип Антовски во 2023 година настапуваше во Карвина во Чешка, а сега се враќа во македонскиот шампионат.
Поранешниот младински репрезентативец на Македонија потекнува од Вардар, а потоа направи трансфер во вториот тим на Динамо Загреб. Играше и како позајмен во Славија Софија, потоа во Б – тимот на Австрија Виена, а го носеше дресот и на хрватскиот тим Истра.
Второто ново име во тимот на Брера е Димитар Тодоровски. Тој доаѓа од Работнички и е младински репрезентативец на Македонија.
