Шведскиот пливач Виктор Јохансон се повлече од трката на 10.000 метри, која се одржува на отворено, односно во водите на реката Сена во Париз. Причина е загадената вода, но и здравствените проблеми кои ги имаа триатлонците.
„Многу информации кружат наоколу, но она што сигурно го знаеме е дека луѓето се разболеа. Триатлонците беа во Сена околу 20 минути, па и покрај краткото време, на некои од нив им се слоши“, вели Јохансон.
Трката на 10.000 метри е многу повеќе од она што го пливаат триатлонците, па пливачите во загадената Сена ќе треба да минат околу два часа. Швеѓанецот за својата одлука доби поддршка и од медицинските лица.
