Ждрепката за Лигата на шампионите донесе многу интересни мечеви, уште во првата фаза ќе има репризи на сите финалиња од 2018 наваму, а дуел за паметење ќе има и Килијан Мбапе.
Реал Мадрид не се падна со неговиот поранешен клуб Пари Сен Жермен, туку со Лил за кој од сезонава игра Етан Мбапе, осум години помладиот брат на Килијан. Килијан и Етан минатата сезона беа тимски колеги во Париз, а сега првпат ќе имаат прилика да заиграат еден против друг, на стадионот во Лил.
