Фудбалската репрезентација на Македонија во сабота го игра првиот натпревар од новото издание на Лигата на нации на УЕФА. Противник на нашите фудбалери е селекцијата на Фарските Острови, а атмосферата во нашиот табор ја пренесува Димитар Митровски, кој најавува атак на првото место во групата.
„Целта е секако првото место во групата. Ние влегуваме како фаворити против Фарските Острови, но ќе биде тежок натпревар, како и секој друг натпревар. Ќе мора да се прилагодиме на временските услови, таму времето е поинакво. Имаме добра атмосфера за добар резултат. Во националниот дрес секогаш треба да се дава 200%. Головите се важни, но сè додека екипата победува, тоа е најважното. И во младинските селекции и сега, секогаш сум давал максимум за Македонија“, вели Димитар Митровски.
