Во пресрет на мечот од Лигата на нации на УЕФА, помеѓу Македонија и Ерменија, официјалната прес-конференција ја одржа и гостинскиот селектор. Олександр Петраков има само пофални зборови за Македонија, за која вели дека е врвна репрезентација со квалитетни фудбалери и тренер.
„Го гледав натпреварот на Македонија со Фарските острови. Не беше лоша играта. Не очекувам лесна победа, дојдовме тука да играме фудбал. Ние сме спортисти и ќе се бориме. Нема да кажам дека сум незадоволен од мечот против Летонија, но многу лесно примаме голови. Македонија е врвна репрезентација со квалитетни фудбалери и тренер. Неколку пати ја анализиравме играта на Македонија. Го знаеме противникот и подготвени сме за утрешниот натпревар.“ – рече селекторот на Ерменија, Олександр Петраков.
Дуелот помеѓу Македонија и Ерменија се игра утре со почеток во 20:45 часот на Националната арена „Тодор Проески“ во Скопје.
