Една од најпопуларните фудбалски судијки во Албанија, Емануела Руста, реши да се заштити од сексистичките пораки кои ги добива додека е на теренот, но и надвор од него. Таа ги избришала нејзините профили од сите социјални мрежи и побара да ја гледаат на професионален начин.
Руста стана прва судијка од Албанија со знакот на ФИФА. Таа беше и прва жена која судеше на меч од албанската машка Суперлига, а во последните неколку месеци е активна и на меѓународна сцена. Денеска судеше на дуелот од Лигата на шампионите меѓу Спортинг Лисабон и Реал Мадрид. Во изјава за АФП, таа вели дека ѝ се смачило постојано да ги слуша и да ги чита коментарите за нејзиниот изглед.
„Треба повеќе да се фокусираат и да се занимаваат со мојот прифесионализам отколку со други работи. Морав многу да работам и да се борам за да бидам прифатена. Судењето не е прашање на полот, туку компетенција“, вели Руста, која додаде дека ѝ пречеле сексистичките наслови во дел од домашните медиуми.
👏🏻 Një katërshe arbitresh nga Shqipëria do të gjykojnë Sporting CP-Real Madrid në UEFA Women’s Ch. League.
Emanuela Rusta do të jetë arbitre kryesore, ndërsa Erinda Kume dhe Mirjeta Salla arbitre anësore. Eglantina Pjetrushaj është përzgjedhur arbitre e katërt në këtë sfidë. pic.twitter.com/v1Jor1oMFg
— FSHF (@FSHForg) September 13, 2024
Следната цел на Руста е да тргне по стапките на нејзината колешка Стефани Фрапар, која стана првата жена која судела меч од Лигата на шампионите кај мажите. Французинката судеше и на Европско и на Светско првенство за мажи.
