Баерн Минхен е немилосрден на почетокот од сезоната. Германскиот гигант одигра шест меча во три различни натпреварувања и на сите победи. Не само што победува, туку Баерн тоа го прави на убедлив начин.
Во четирите кола од Бундеслигата, Баерн има гол разлика од 16 дадени и само три примени гола. Во првото коло од домашниот куп победи со 4:0 над Улм, а најубедливата победа ја имаше на стартот од Лигата на шампиони кога со неверојанти 9:2 славеше над Динамо Загреб.
На тренерската позиција во Баерн Минхен од летоска е поставен Винсент Компани. Тоа е тренерот кој минатата сезона немаше голем успех и со Барнли испадна од Премиер лигата. И покрај тој неуспех, Баерн реши да го ангажира и да му даде шанса, која засега Белгиецот одлично ја користи.
Со 29 постигнати голови во првите шест натпревари од новата сезона, Баерн постави клупски рекорд. Никогаш претходно, откако е формирана Бундеслигата, Баерн немал постигнато 29 погодоци во стартните шест офциијални дуели (речиси пет гола во просек по дуел).
29 – FC Bayern have scored 29 goals under coach Vincent Kompany – a new club record for the first six competitive matches of an FCB coach (since the Bundesliga was founded). Furious. #SVWFCB pic.twitter.com/2cmvxIesAm
— OptaFranz (@OptaFranz) September 21, 2024
