Барселона ја продолжи својата совршена серија во Ла Лига со импресивна победа од 1-5 против Виљареал, освојувајќи максимални 18 бода по шест кола. Сепак, натпреварот донесе лоши вести за каталонскиот тим и нивниот тренер Ханси Флик.
Првиот голман на Барселона, Марк-Андре тер Штеген, се повреди при една интервенција на крајот од првото полувреме и беше изнесен на носилки од теренот.
Според првичните информации, станува збор за сериозна повреда на коленото, односно пукање на тетивата на пателата, што значи дека ќе отсуствува осум месеци и дека сезоната за него е завршена.
Тер Штеген е снимен како ја напушта болницата во инвалидска количка. Германскиот голман има 420 настапи за Барселона, примил 412 гола, освојувајќи 15 трофеи со клубот.
