УЕФА го укина правото на стадионот „Сан Сиро“ во Милано да биде домаќин на финалето на Лигата на шампионите за сезоната 2026/27.
„Бидејќи општина Милано не можеше да гарантира дека реконструкцијата нема да влијае на стадионот ‘Сан Сиро’ и неговата околина, денеска беше донесена одлука повторно да се отвори процесот на наддавање за финалето на Лигата на шампионите 2026/27. Се очекува одлуката за новиот стадион да биде донесена во мај-јуни 2025 година“, се вели во официјалното соопштение на УЕФА.
Стадионот „Сан Сиро“ ќе биде реновиран за потребите на Европското првенство во 2032 година. Обновувањето најверојатно ќе се случи во некоја фаза по Зимските олимписки игри во 2026 година, на кои градот Милано е заеднички домаќин со Кортина и затоа локалните власти не можеа да гарантираат дека стадионот нема да биде погоден од реновирање во пролетта 2027 година, кога треба да се игра финалето на ЛШ.
