Дербито на вечерта во Лигата на Европа помеѓу Рома и Атлетик Билбао заврши без победник, 1-1. Домашните долго имаа водство, откако во 32-рата минута Артем Довбик ја донесе Римската волчица во водство од 1-0. Сепак, кога сите мислеа дека Рома ќе успее да победи, Ајтор Паредес, во 85-тата минута ги постави конечните 1-1.
Најубедливата победа вечерва, воедно и во првото коло од Лигата на Европа ја постигна екипата на Ајакс откако на домашен терен го совлада Бешикташ со 4-0. Најмногу возбудувања имаше на дуелот во Франкфурт, помеѓу Ајнтрахт и П’лзењ. Домашните сè до 86-тата минута имаа водство од 3-1, но екипата од Чешка со луд финиш дојде до реми.
Резултати:
Ајакс – Бешикташ 4-0
Рома – Атлетик Билбао 1-1
Брага – Макаби ТА 2-1
Ајнтрахт Ф. – П’лзењ 3-3
ФСЦБ – РФС 4-1
Лион – Олимпијакос 2-0
